老苔目

很久沒好好打食評, 我食界愛人推界的台式小店, 是日下午客人不多, 跟老闆談了數句, 由於此區租金比大街平一點, 少了些租金壓力, 老闆希望可以用心做點手工菜, 點了一個鴨舌, 及一個老闆用米自製的米苔目, 為怕變壞, 每兩小時做一次, 只因無添加. 此物口感像彈牙的烏冬, 米味重, 上面的鹵肉味道甚正宗, 湯底是淡魚骨湯底

鴨舌的鹵水味道不錯, 只因要等那米苔目, 店方送上沙茶紅蘿白, 味道略淡, 跟店主吹水時不停送上食物給我試吃, 一味全素椰菜包, 椰菜火候剛好, 點上麻醬, 味道不錯. 再來半碗牛肉湯, 不是濃濃牛味, 但煮時加入少許番茄蔬菜, 中和了牛的濃味, 最後送上黑糖糕, 味道清甜, 黑糖味濃,  原價 $66 兩味加飲品, 不知為何變了五味, 臉片厚如字典的我也有少許不好意思, 唯有多來光顧, 下次要試牛肉麵

能遇到一間心機小店, 總令人感動, 神奇是老闆用的大部份是年輕人, 禮貌滿分, 香港實在盡要多些這樣的有心人, 多謝 Issac 推界

陸羽

又是食友辦的飯局, 歡送兩位特別的朋友, 感謝他們為我們準備過精彩的飯局, 亦祝新生活更精彩, 創做更多新主意

越來越懶打食評, 比個 reference 大家去這看看評價, 當晚我吃到繼大班樓之後最出色的一局, 今次不是主打吃原味, 但是功夫菜, 沒甚麼味精, 每一道菜都有水準, 甚感動, 多謝大家的美酒, 有趣的食物討論, 獲益良多

先來跟陸羽同級, 食友自製的沙莉蟶子, 鮮甜美味

我懷疑佢用0左貴夫人, 好滑, 無味精, 比港大出色十倍

糯米雞同生炒骨是我最愛, 做得如此出色的真不多, 鯪魚卷是吃過最出色的, 不是魚彈般的彈牙, 仍有魚的質感, 還有我不太吃紅豆沙都吃了半碗, 只因實在精彩

皇之家

又要多謝食友攪的局, 此店的澱粉質點心真的異常出色, 醉雞, 蘿白絲酥餅及蔥油餅真的不可以不試, 那一個出名的灌湯小籠包則不是我杯茶.

這店價錢相宜, 喜歡包點的朋友必要一試

留家廚房

某日, 唔知點解去0左呢到食飯, 某名食家的店

例湯, 同茶記碟頭飯差不多價錢, 味道賣相亦差無幾, 佢應該係上少0左碟碟頭飯比我

鹹蛋炒涼瓜, 涼瓜出過水, 之係鹹蛋係鹹蛋, 涼瓜係涼瓜囉

羊肚菌蒸蛋, 少少菇香都無, 上面個獻汁亦令人無言

魚唇扒柚皮, 柚皮都可以, 其他............

燻雞, 終於有一味可以啦, 燻得不錯, 雞肉生熟亦剛剛好

自己睇相都要諗好幾秒先記得呢碟炭叫金蠔

鹹魚煎肉餅, 未食食友已經話咁紅, 有好多 sulfate, 亦無乜鹹魚味

不過全餐最出色0既係位經理, 埋單時同佢講話湯同蠔唔得, 佢話叫我地出聲要求換, 但一路講一路周圍望, 少少戲都唔打算做

應該係我睇錯店名, 原來呢到係流家廚房