Duck Ragout

跟呢到做

買唔到番鴨, 買0左半隻米鴨, 比較多油, 所以就咁, 油都無落, 皮向下就掉落傻雞煲到慢火煎, 出下油, 果然係得

 

我好有誠意咁將番茄用貴夫人 puree 佢, 連西芹, 紅蘿白, 洋蔥, 幾種香草一齊炆 45 分鐘, 起肉再炆 10 分鐘, 味道都唔錯, 不過放得太多紅酒, 偏酸, 下次可以少d酒

肥+短

一個肥頭耷耳無頸樣, 我個書櫃死0左都係因為你呀

短短0既腳, 應該有4寸長到, 佢個腩就痴住地下啦

酒店餐廳哲學

親愛的壞朋友, 你一定會應同下面的文字

酒店餐廳有華麗的裝潢，也有精緻的菜式，消費自然不菲。
別以為她們很好賺，特別是高級餐廳，很多都只有微利，但還是咬緊牙關繼續經營下去。
上酒店餐廳，閒閒哋要一千幾百元，說貴，也可以說不貴。
此話何解？因為酒店經營餐廳，賺錢是原因之一，但決不是主因，更重要是建立高貴形象。客人選擇酒店，除了地點、交通，酒店形象亦會影響他們的決定，高級餐廳就有助提升酒店形象。

酒店管理層從這方面去經營餐廳，所以酒店餐廳會採用高級食材，亦很捨得浪費材料，只用最精選的食材，就是因為餐廳已和酒店形象相連。

其實全世界的高級餐廳都不會賺大錢，就算是世界排名第一的西班牙 El Bulli早前也宣告結業。

能稱得上高級餐廳，食物成本一定高，法國餐廳的芝士紅酒要不是來自法國，根本不能拿出來賣，餐具杯碟刀叉通通都要名牌，而且高級餐廳是人力密集的行業，侍應、廚師的人數都比普通餐廳多。

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

當然, 本人都非常同意以上 comment, 特別係法國菜, 自問無本事, 亦無儀器係屋企 sous vide, 又無時間同技巧可以用幾個鐘煮個汁. 當然, 每個人0既價值觀唔同, 但鐘意食, 想去 LCB 學煮0既我, 我覺得係我賺佢, 多過佢賺我

又出事

我這種人實在不宜出街, 本來只係想去買個 Bamix powder cover, 點知.........

雪糕羹做 promo $59, ok

去番茄皮器又做 promo $49, 都 ok

個迷你 cutting board 都做 promo $99, 咁都 ok 啦

不過個 silicon specula 只不過係朋友話要買, 點解我自己又會買一件呢, 我份人真係唔多 ok

宵夜 1

我雖要承認, 我係痴線0既, 只有一個痴線0既人先會訂 1kg porcini, 會一d都唔肚餓都要半夜煮個飯, 同埋覺得煮飯係應該飽肚做0既活動

買了一大包 Porconi, 為了分給其他人, 把包裝開了. 一整天的心思就被這氣味像鉤一般, 努力想像不同的食譜. 但回到家已半夜, 只好速速煮一個, 白酒芝士磨菇意大利飯配火箭菜

做法都係爆下洋蔥同菇, set aside. 用自家制濃菜湯, 浸菇水, 白酒煮淋意大利飯, 差不多時將d菇加 Parmesan cheese power (支 Bamix 終於有用啦), 上得碟

其實煮食我會用d最平0既酒, 用多過 $50 支0既酒煮飯係侮辱0左支酒, 同自已個銀包, 用唔晒可以放到雪櫃, 我放一到兩個月都會照用

最後, 下次要用 ring, 等佢整齊d先

號外: 阿魚同28cm 總於成為一對啦

減壓

可以係食餐好, 濕個平, 或者煮餐飯

跟熙媽同 Julia child 學的芝士焗薯, 加0左意大利鹹魚 Anchovy

又係跟熙媽做0既茄子醬加牛油果, 我改0左少少, 茄子 + 番茄 + 磨菇 + 松子 + 芝士 + 意大利醋 + dry chilli

薯仔落得太多蛋, 下次要減, 不過無論如何, 薯仔都係我最愛的. 呢餐玩0左45分鐘, 開心呀~

BTW, 點解d相影極都唔得靚, 係咪要買 flash 呢

Sunday Brunch

做得壞事多0既我, 一定要清心寡肉一下, 今日菇菇日, 連隻粉都係菇粉

不過先黎個沙拉, 芝士, 松子加火箭菜

再配一支一直想試0既沙拉油, 中晒計, 原來係酸芝麻醬, 如果你有緣見到, 就唔好買啦

 

終於比我打到滑滑磨菇湯, 有大磨菇, 白磨菇, 同街市隨便再汁多兩種菇, 加埋薯仔, 奶, 同菇一齊煎香, 加,上用濃菜湯做底, 煮滾, 放入貴夫人, 得0左

超滑無渣呀, 靚桃~ think think

再加個靚桃火腿,青豆, 菇菇意粉, 完美的一餐

前後玩0左45分鐘, 滿足

Veggie SF

香港滿街食店, 但認真對待食物, 真的數不出多少間, 每次我給一間食店浪費我的美食 Quota, 我就想去廚房問主理人, 可否給食物一點尊重? 不要用油, 梳打粉, 味精把它們變質, 閣下不是攪甚麼分子美食.

這是大班樓之後, 最令我這為食人感動的食店, 賣點是有機素食, 原味有機食材, 醬料都盡量自已製作, 少油無味精, 吃下去的是心思及原味, 吃素者當然滿足, 也給我等多一個機會吃得清淡一點.

香港食店真的不易經營, 願更多人知道這小店, 讓店主的心思同努力得到認同

P.S. 點的不止這些, 但實在太美味忘了拍照, 好給我一個理由再去一趟

留家廚房

某日, 唔知點解去0左呢到食飯, 某名食家的店

例湯, 同茶記碟頭飯差不多價錢, 味道賣相亦差無幾, 佢應該係上少0左碟碟頭飯比我

鹹蛋炒涼瓜, 涼瓜出過水, 之係鹹蛋係鹹蛋, 涼瓜係涼瓜囉

羊肚菌蒸蛋, 少少菇香都無, 上面個獻汁亦令人無言

魚唇扒柚皮, 柚皮都可以, 其他............

燻雞, 終於有一味可以啦, 燻得不錯, 雞肉生熟亦剛剛好

自己睇相都要諗好幾秒先記得呢碟炭叫金蠔

鹹魚煎肉餅, 未食食友已經話咁紅, 有好多 sulfate, 亦無乜鹹魚味

不過全餐最出色0既係位經理, 埋單時同佢講話湯同蠔唔得, 佢話叫我地出聲要求換, 但一路講一路周圍望, 少少戲都唔打算做

應該係我睇錯店名, 原來呢到係流家廚房