Sunday Brunch

做得壞事多0既我, 一定要清心寡肉一下, 今日菇菇日, 連隻粉都係菇粉

不過先黎個沙拉, 芝士, 松子加火箭菜

再配一支一直想試0既沙拉油, 中晒計, 原來係酸芝麻醬, 如果你有緣見到, 就唔好買啦

 

終於比我打到滑滑磨菇湯, 有大磨菇, 白磨菇, 同街市隨便再汁多兩種菇, 加埋薯仔, 奶, 同菇一齊煎香, 加,上用濃菜湯做底, 煮滾, 放入貴夫人, 得0左

超滑無渣呀, 靚桃~ think think

再加個靚桃火腿,青豆, 菇菇意粉, 完美的一餐

前後玩0左45分鐘, 滿足

Veggie SF

香港滿街食店, 但認真對待食物, 真的數不出多少間, 每次我給一間食店浪費我的美食 Quota, 我就想去廚房問主理人, 可否給食物一點尊重? 不要用油, 梳打粉, 味精把它們變質, 閣下不是攪甚麼分子美食.

這是大班樓之後, 最令我這為食人感動的食店, 賣點是有機素食, 原味有機食材, 醬料都盡量自已製作, 少油無味精, 吃下去的是心思及原味, 吃素者當然滿足, 也給我等多一個機會吃得清淡一點.

香港食店真的不易經營, 願更多人知道這小店, 讓店主的心思同努力得到認同

P.S. 點的不止這些, 但實在太美味忘了拍照, 好給我一個理由再去一趟

留家廚房

某日, 唔知點解去0左呢到食飯, 某名食家的店

例湯, 同茶記碟頭飯差不多價錢, 味道賣相亦差無幾, 佢應該係上少0左碟碟頭飯比我

鹹蛋炒涼瓜, 涼瓜出過水, 之係鹹蛋係鹹蛋, 涼瓜係涼瓜囉

羊肚菌蒸蛋, 少少菇香都無, 上面個獻汁亦令人無言

魚唇扒柚皮, 柚皮都可以, 其他............

燻雞, 終於有一味可以啦, 燻得不錯, 雞肉生熟亦剛剛好

自己睇相都要諗好幾秒先記得呢碟炭叫金蠔

鹹魚煎肉餅, 未食食友已經話咁紅, 有好多 sulfate, 亦無乜鹹魚味

不過全餐最出色0既係位經理, 埋單時同佢講話湯同蠔唔得, 佢話叫我地出聲要求換, 但一路講一路周圍望, 少少戲都唔打算做

應該係我睇錯店名, 原來呢到係流家廚房

新玩具

我仍然愛佢, 短短一個小時可以把十個大洋0既豬骨煲到奶白色, 出完水再冷水開始, 賣相甚清, 無需再隔, 最後十分鐘再加薯仔同栗子一齊煲

把湯, 薯仔同栗米取出, 用新玩具打0左1分鐘, 超滑呀

配英式 muffin, 美滿的一餐

豬骨比較搶味, 但覺得自己仲有少少感冒, 應該同雞湯味道更夾, 但係我打算下次用濃菜湯, 試下全素滋味. 下一個目標要滑滑磨菇湯, 靚桃諗諗佢

洗灰灰

見天氣回暖, 又唔太潮濕, 立下心腸同魚腸洗個灰灰. 加埋新洗貓膏加洗貓水, 得呀, 魚腸爽既, 香噴噴

一個屎面0既肥妹, 配個戰豬頭

佢以為係窗廉後面就唔洗比風筒吹

洗完靚女晒

但係點解佢地洗灰灰, 最濕係我呢, 唉...........