宵夜 2

今日係文華吃了一個超值的法包 & Scone set, 詳情有緣再講
吃罷飽到半夜, 突然想起有些新玩具, 就半夜來個宵夜. 早前買下的迷你薯仔

伴上 Olive oil, mustard, rosemary, 鹽, 先用水煮3分鐘, 再焗10分鐘, 可以上碟

可以多放一點油, 免得太乾, 伴上 sour cream, 感覺良好

他人的 Brioche

此店仍是我心目中最好的甜品店, 付出$42, 有一個暖暖的Brioche, 一件榛子朱古力蛋糕, 一大杯暖水, 坐得舒舒服服, 我覺得超值

要照下大師級 Brioche 給自已一個目標

食物上o既 details 真係要用 macro 鏡先可以 capture 到, 不過咁重, 點帶出街呢

跟住去o左太子大廈, 一個可以令煮飯人先控o既地方

Canele

食譜在此

好樣已是第三次整, 功多藝熟這句說話當然有它的道理

這是一個我甚喜歡的法式甜點, 原是修道院的修女發明, 只需甚少牛油, 用的是最基本的奶, 麵粉, Rum 酒, 不過糖份甚高. 正宗法式要用上 bee wax, 在 Caprice 試過, 那一個有點太韌, 但我都覺得要知真味, 可能都要去法國一次

提起此甜點, 令我想起世上原來有讀同儲食譜, 但無乜實戰經驗的人

醉雞

雞一向不是我杯茶, 毫無性格. 早前在皇之家吃了一個用5年花雕浸的醉雞, 主持人話要浸三日, 念念不忘. 食友說醉雞並不難弄, 就試他一試

不外乎把一隻雞搽上鹽,糖,花雕,油,再加蔥同薑放於雞胸內, 蒸它20-25分鐘, 過冰水浴, 把雞汁, 糟鹵, cheap cheap 0既我只不過用二十五個大洋0既花雕浸佢兩日, 味道唔錯

不過我一定要話比大家知, 唔好信d食市主持人, 因為我發現我後加幾隻雞翼, 用0左半日已經好入味, 所以我覺得一晚已經好ok, 唔洗好似我咁傻仔浸兩日

東坡肉

當日買佢, 都係諗住有日會整東坡肉, 終於比佢等到呢一日啦

首先, 煎香六面, 用棉繩把他們紮好, 跟江獻珠老師幫他們做個普洱茶滾10分鐘, 去去油, 滾完已經上0左色, 可以用水洗洗佢地

再用鼓油, 花彫, 水, 糖, 蔥, 薑, 少少花椒八角 (好少好少就得, 唔落都得), 滾2-3分鐘, 熄火, 焗1個鐘, 將佢地取出, 再將汁煲滾, 將佢地放返落去, 滾2-3分鐘, 熄火, 再焗, 如此重覆幾次. 最好用大少少0既 staub, 更保溫

第一次出煲, 仍然好硬身

第二次開始淋

最後作品, 終於用0左呢個盅啦~

味道就等明天白老鼠報告, 但口感就可以做到肥肉似雪糕咁滑, 但肉質不夠軟滑, 有無任何高人可給點意見?

第二日, 個面係無乜油, 之係唔肥啦~請大家放心食用

大掃除

某日, 我大掃除, 其間去廚房玩0左20分鐘就見到有隻已經訓得好淋0既祥仔, 訓緊佢大爺0既午睡

肥妹都唔好得幾多

祥仔: 乜事呀

衰仔, 你好出翻黎呀

祥仔: 你都唔要啦, 借我訓下都唔得, 小氣

我一路大掃除, 佢地就不停攪呢攪路, 有d想掃埋佢兩隻出街

Brioche

人生第一次試整麵包, 基本上我不太喜歡吃太乾身的食物, 吃麵包一定要跟太量牛油. 年初買的麵包粉放到現在都未開工, 但上次在盧布松的 Brioche 實在太出色, 就想一試

跟 Thomas Keller Ad hoc at Home 的食譜, 做了兩款, 一款用模, 一款用 dutch oven

Pre-heat Staub mini

先焗20分鐘, 再開蓋焗

焗好, 但係做唔到頭頂上的小球

可以升高一些更好

下次要試 Joe Pastry 0既 recipe

後記: 原來我唔記得等佢升第二次呀, 唔怪得咁實啦, 多謝超級食+廚友 CSY 提醒, 下星期再試